Wielie wielie walie - Louise Smit (First edition)

Sarel Seemonster, Karel Kraai en die Kouse bly nou almal lekker in die Wielie Wielie Walie parkie, naby die Walieberge. Bennie Boekwurm, Bytjie en die Blomme woon ook daar, en Bennie lees nog aanmekaar vir die maatjies stories - hy is ’n slim wurm wat baie boeke in sy boektonnel het. Op ’n mooi dag kry hulle ’n nuwe maatjie - sy naam is Wagga Wagga Kwag - en hy kom maak almal se lewe sommer ekstra vrolik. Kom sing en lag saam met al die uitgelate karakters in die stories - of jy nou vir Sarel en Karel-hulle van die televisiereeks onthou of hulle vir die eerste keer ontmoet, hulle sal sommer diep in jou hart inkruip.