Verste grens - Maretha Maartens

Verste Grens is ’n kragtige oorlogsroman wat afspeel op die grens van die Republiek van Suid-Afrika. Dit handel oor manwees, vrouwees, ménswees. Dit verken die krag van mense wat hulle grense moet oorsteek, grense van lyding, besinning, die lewe self. 

"Jy het nooit verstaan nie," sê hy oplaas. "Dis nie die dóódmaak nie, Sarah. Ek het nie gekies om jaar in en jaar uit dood te maak nie." 

"Wat het jy dan gekies?"

"Om mán te wees. Om die verste grens van menswees te ken: die volle sterkte van jou krag..."

Maar hoe leer ’n mens die volle sterke van jou krag ken as die oorlog jou liggaam verflenter? Dit is die grens wat troepie Hannes Britz alleen moet oorsteek. En sy ma: "Hierdie ding gaan jou nie onderkry nie, Hannes. Daar móét sin in die hele ding wees. Dit is nie ’n fout nie. As ons die fout in die redenasie kan uitwys, sou God nie God gewees het nie."

By die 1 Mil. hospitaal in Pretoria bereik ook Sarah haar verste grens aan die sy van haar dogter Louise - wat die grens nie kan oorsteek nie.

Verste Grens ondersteep Maretha Maartens se talent om die web van die mens se diepste wese met deernis bloot te lê.