Vangs - Pirow Bekker

In hierdie bundel met sy uitstekend gekose versameltitel word mense - eintlik "dié mens" - telkens voorgestel in situasies wat variasies van ’n vangbegrip kan verteenwoordig. Daar is dié wat met geweldadigheid of verskrikking - des te verskrikliker omdat dit so beheers aangebied word - optree as "vangers" of vernietigers (in Nagdiens, in Die Wagters, in Paar dae pas); daar is ander wat gevang wórd - ’n gevangene van eie vooroordeel in Slippers van egte leer; van onsekerheid en verlorenheid in Huursoldaat; van illusie en/of uiteindelike dood in Halfpad na Malelane.

Soms gebeur dit met ’n gekontroleerde en makabare humor, soos in ’n Pond vir ’n pond; of met ’n nuwe vrtuose variasie, in Die appelkoosspioen. En telkens gaan dit gepaard met onthullling of verbystering - ’n inbréék van die Onbekende in die bekende of die gewáágde wêreld in.

Wat veral opmerklik is, is die besondere verdigting wat in hierdie verhale gebruik word.

Ek het reeds heelwat waardering gehad vir Pirow Bekker se bundel Die peerboom: maar die huidige is nog veel sterker.

- André P. Brink

We are currently in the process of uploading more photos of products onto the website. If you are interested in this book, and would like us to send you more photos of this item, please contact us at info@thestorystation.co.za