Uit die dagboek van ’n wildbewaarder - P.J. Schoeman

"Skryf ’n outobiografie waarin jy jou eie belewenisse en emosies in die eerste persoon weergee sonder om in die derde persoon te sukkel dat ander mense moet sê wat eintlik uit jou eie gemoed kom - ’n outobiografie, nie van fisiese ervaringe nie, maar van, geestelike belewenisse, vreugde en hartseer, vertwyfeling... eensaamheid...waarin die fisiese ’n ondergeskikte rol speel."

Dit was Bill van Niekerk se raad aan P.J. Schoeman. En met hierdie werk voldoen die skrywer deels aan sy boesemvriend se versoek. Meer as in enige vorige Schoeman-werk vind ons hier biografiese besonderhede: "eie belewenisse en emosies - geestelike belewenisse, vreugde en hartseer, vertwyfeling en ... eensaamheid."

Vir die leser wat egter soek na die opwinding van die jag, na die interessanthede oor veld en dier, is daar oorgenoeg pitkos en aksie.