Tydbom: ’n Polisieman se ware verhaal - Johan Marais (First edition)

Toe apartheid nog wet was, sluit Johan Marais as jong seun by die Suid-Afrikaanse Polisiemag aan. Dan volg ’n nagmerriereis deur ’n verwronge wêreld van geweld soos sy lewenspad deur Suidwes en die brandende townships van die Oos-Rand loop. Uiteindelik verval hy in ’n parallelle hel van korrupsie, seks en dwelms.

Tydbom is nie vir sissies nie. Maar vir die leser wat die speurwerk kan deurstaan, wag daar ’n merkwaardige verhaal. Dit is tegelyk Marais se boetedoening en sy eie vorm van terapie – ’n hoogs persoonlike rekord van die geestelike foltering wat iemand met post-traumatiese stres beleef.