Toorop-stories - Pirow Bekker (First edition)

Willem Toorop is die bewaarder en kenner van die Molopo-kontrei se verhale; stories wat veral glad vloei oor ’n koue Dawidbier, of ’n Langdawid, soos die manne daar sê. Die stories word bevolk deur ’n verskeidenheid interessante karakters – hulle is eksentriek, aards, beduiweld en benewel – kortom, méns.

Dis ’n versameling verhale vol humor, maar wat ook iets oordra van menslike lotgevalle oral en te alle tye. Tussen al die snaaksighede word daar dus soms “’n bietjie grom losgeskud”, soos ou Sterkarm wat ’n vol wynvat tot oor sy skouer kon stoot. “Dis nie dooigewig nie … Jy moet net die slag hê.”

Pirow Bekker se eerste digbundel, Die klip sing, verskyn in 1965. Dit word gevolg deur Toekomstige betrekkinge, Definisies deur die bloed, Eskarp, Rasuure en Stillerlewe, asook ’n bundeltjie kinderverse, Hadihie-hadida. Die kortverhaalbundels uit sy pen is Die beerboom en ander verhale, Vangs, Trap sag terwyl jy hardloop,