Suidpunt-jazz - Koos. A. Kombuis

Ingesluit by hierdie heruitgawe van Suidpunt-jazz is ’n gratis terugreis deur die dekades na die veelbewoë jare tagtig: voor die aanbreek van die Nuwe Suid-Afrika, en voor die skrywer André Letoit finaal besef het hy gaan nooit die Groot Afrikaanse Roman skryf nie.

Suidpunt-jazz is die verhaal van ’n skrywer, sy boek en sy karakters. Dit vertel ook die storie van ’n geskiedenisdosent se onthutsende besoeke aan die verlede, met ’n onkonvensionele aartsengel as metgesel - van  Jan van Riebeeck se landing aan die Kaap tot Piet Retief se laer by Bloedrivier... En dít kan net tot een ding lei: ’n piekniek by Dingaan.

"En tog is dit die moeite werd om weer te lees, of vir die eerste keer te lees. Want dit is plek-plek skreeusnaaks, plek-plek amper-amper geniaal, en plek-plek selfs onvergeetlik. Al moet ek dit self sê, is dit ’n roman wat mens kielie, en krap, en hardop laat lag, en nooit heeltemal wil laat los nie."

- Koos A. Kombuis.