Stemme uit die swart kerk - Dr Piet Meiring (First edition)

In Stemme uit die Swart Kerk gesels dr. Piet Meiring met veertien verteenwoordigers van verskillende kerke en Christelike instansies.

So is daar onder andere ds. Sam Buti van die Nederduitse Gereformeerde Kerk in Afrika, monseigneur Peter Buthelezi, Rooms-Katolieke biskop van Johannesburg, pastor Douglas Makhatini van die Evangelies-Lutherse Kerk van Suid-Afrika en ds. Maurice Ngakane van die Suid-Afrikaanse Raad van Kerke, om maar ‘n paar te noem.

Hierdie leiers uit die swart Christelike gemeenskap in Suid-Afrika gesels eerlik en openhartig oor hul werk en ook en veral oor die posisie van die swart Christen in ons veelrassige land. Dit is ‘n boek wat die leser ‘n insae gee in die geestelike klimaat onder verskillende rasse en kan alleen lei tot groter begrip en wedersydse respek. Vir ons tyd en land ‘n aktuele en noodsaaklike publikasie.

By elke gesprek gee dr. Meiring ‘n kort opsomming van die betrokke kerk of instansie sodat elke verteenwoordiger duidelik binne sy verband geplaas word.