Son op die duine - Madeleine Malherbe

Sonja hoor geskok dat Lourens haar as 'suur' beskryf, maar sy gee ook nie eers om nie. Sy gaan saam Weskus toe om vir ’n paar dae weg te kom van haar omstandighede, nie om nuwe vriende te maak nie. Sy wil net vergeet van haar ouers en van Michiel. 

Maar Sonja kom gou agter dat Lourens haar uitsonder, en sy besef verbaas dat sy nie omgee nie. Toe hulle tydens ’n reënstorm verdwaal en byna verkluim, laat sak sy die eerste keer haar skanse, en erken teenoor haarself dat sy meer van die groot bedagsame man hou as wat sy gedink het.

Lourens gaan saam met haar Kaap toe om haar te help trek, en vlieg daarna terug Pretoria sonder enige beloftes.

Was dit vir hom niks meer as ’n vakansieromanse nie? Moes sy dalk nooit vir Michiel laat gaan het nie?