Seep: Die kuns van gliserienseep - Jo-Ann Bannister

Jo-Ann Bannister van Kaapstad het ’n passie vir seep. Haar vaardigheid in seepkuns is selfaangeleer en sy het dit vervolmaak deur oefening. Sy bied seepkunsklasse en -werkswinkels aan oor naweke en in die aande. Hierdie is Jo-Ann se eerste boek.

Gliserien-seepkuns is die jongste gier onder kreatiewe en innoverende individue. Dit is ’n vinnige en ekonomiese manier, dit neem letterlik minute, om luukse geskenke vir geliefdes en kennisse te maak of jouself salig te bederf met idilliese kleure, soet geure en opwindende teksture. Seep verskaf inspirasie om dit as ’n kunsvorm te ontdek en ten volle te geniet. Die boek lei jou deur die aanvanklike stappe om die seep te smelt en te giet en vertel jou waar om die korrekte vorms en benodigdhede te bekom. Die seepkuns-projekte – wat van die basiese tot meer gevorderde tegnieke demonstreer – spoor jou aan om self verder te eksperimenteer met die medium. Laventel, roosblare, krale, rooibostee, suurlemoenskil en handeroom is maar net ’n paar elemente wat help om aan elke seep sy besondere karakter te verleen. Jo-Ann Bannister gee ook addisionele wenke vir die maak van die perfekte seepgeskenke vir spesiale geleenthede soos verjaardae, herdenkings, troues, Kersfees en Valentynsdag.

Gliserien-seepkuns het almal aan die praat en is net wat jy nodig het om jou kreatiewe self te ontdek!