Seeman van die albatros - I.D. Lamprecht

" ’n Gewone matroos is hierdie man beslis nie, besluit die Gowerneur'... en dit is ook die mening van die beeldskone Mathilda, dogter van kasteel-arts Hoogenhout aan die Kaap die Goeie Hoop wanneer sy met die swaargewonde Willem Alkmaar, seeman van die Albatros, kennis maak en hom verpleeg. Is hy en sy twee getroue vriende, Bart en Soen, werklik 'seerotte' soos hulle voorgee...? Vanwaar dan die spitsvondige galantheid en die verfynde taalgebruik wat ’n mens eerder aan die howe van Europa sou verwag? En wie is die geheimsinnige Prins Hendrik vir wie hulle so op die uitkyk is? 

Die drie jongmans se verblyf aan die Kaapse nedersetting word ’n opwindende tydperk van romanse en intrige wat vir meer as een tot nadeel, maar vir ander - veral ’n paar uitverkorenes van die skoner geslag - tot voordeel en geluk strek.