Robinson Crusoe - Daniel DeFoe (Afrikaans)

Robinson Crusoe is een van die weinige boeke in die wêreldliteratuur wat nooit oud sal word nie. Vir elke geslag neem die meesterwerk van Daniel DeFoe die uitstaande plek onder die wêreld se klassieke in. Een van die redes waarom die verhaal nog net so boeiend en lewending is as die dag toe dit in 1719 vir die eerste keer gepubliseer is, is die feit dat elkeen wat die boek lees homself onwillekeurig met die eensame skipbreukeling vereenselwig en weet dat hy onder dieselfde omstandighede net soos Crusoe sou gehandel het. Realisties skilder die skrywer vir ons Crusoe se gevoel van verlatenheid na die skipbreuk en dan langsamerhand die voldoening wat hy kry as hy sien hoe hy die wildtuin deur sy eie vernuf en handewerk in ’n tuiste omskep. In al sy behoeftes kan hy naderhand omsien, behalwe die geselskap van ’n ander menslike wese. En ook hierdie wens word later vervul as hy op ’n dag ’n voetspoor op die strand ontdek.