Randall Wicomb: Kleur - My lewe, my lied - Amos van der Merwe (First edition)

Bekroonde volksanger en bekende kopersmid - Randall Wicomb het geen bekendstelling nodig nie. Daar is sekerlik min mense wat nie op een of ander stadium met heimwee na “Kleur” geluister of op die maat van “Rooirok” gewals het nie.

Maar ... wie is hy regtig? Amper 70 jaar al is Randall se lewe een van onsekerheid. Sy sangloopbaan het van hom ’n ikoon gemaak, maar roem en sukses het hom duur te staan gekom. Nou, terwyl sy gesondheid ernstig bedreig word, voer hy ’n openhartige gesprek met sy aanhangers.

Kleur neem die leser op ’n reis saam met ’n ontwortelde individu deur die veranderende politieke landskap van Suid-Afrika. Randall gesels oor sy kinderjare en sy lang loopbaan met Afrikaanse liedjies. Hy vertel van die liefdes in sy lewe, sy suksesse en mislukkings, en veral van die leuen wat hom van sy familie vervreem het.