Paspoort na gevaar - Ena Murray (First edition)

Toe Nicolette de Lille na die Kaap van Goeie Hoop toe gekom het, het sy met ’n paspoort na gevaar gereis, maar presies hoe avontuurlik dit vir haar sou wees, het sy nie kon dink nie. Sy, ’n fyn opgevoede meisie uit die adelstand, moes met een van die ruwe vryburgers trou om uit ’n penarie te kom, maar dit sou ’n huwelik net in naam wees, en na die troue sou sy terugkeer Frankryk toe. 

So het sy gedink, maar toe haar nuwe ruwe vryburgerman haar vasberade oor sy skouer gegooi het om haar na sy koets toe te dra, het sy magteloos besef dat hy haar - sou dwing om in die volste sin van die woord sy vrou te wees, en haar hart het onstuimig geklop.

René la Porte, wat hom vir die saak van die vryburgers beywer het, het haar as ’n verrraaier beskou en die hele boeregemeenskap het haar verag, veral toe René in hegtenis geneem is. Maar toe het die geheimsinninge ruiter wat homself die Rooi Vlag genoem het, sy verskyning gemaak en vir die saak van die burgers geveg. Wie was hierdie skraal mannetjie aan wie se briewe die geur van ’n vrou se parfuum was? Hierdie uiters boeiende romantiese Kaapse verhaal van die altyd gewilde Ena Murray sal die leser tot die laaste romantiese bladsy boei - totdat Nicolette ontdek dat die brute krag waarmee sy aan ’n man se wil onderwerp is, tog vol teerheid was - en toe was haar oorgawe haar vreugde.