Oos, wes - reismoles! - Hennie van Deventer

Sommige reise is nie vir sissies nie.

Konfrontasies met allerhande hardekwas gesagsfigure; vreesaanjaende vlugte op flentervliegtuie; senutergende busritte saam met hoenders en bokke; slapelose nagte in agterlange hotelle; ure se toustaan vir slegte kos van suspisieuse oorsprong … dit, en baie meer, staan ewe onuitwisbaar in die geheue van elke avontuurlike reisiger ingegrif.

Teëspoed kan oral tref – ook op die gesofistikeerdste toeristeweë van die beskaafde wêreld. Sonder om sonde te soek, kan die arme toeris in allerlei penaries beland wat hom om die beurt wanhopig, gefrustreerd, verleë of die swernoot in maak.

"In Oos, wes – reismoles!" het Hennie van Deventer die soet en suur van 25 jaar se eie reise en versamelde reisstories uit allerhande bronne opgeteken. Die leser word saamgenooi op dosyne vakansies en toere met ‘n koffer vol insidente om saam oor te lag of huil – maar beslis meer te lag as te huil.