Nou is altyd hier: Waar lê geluk? - Marthie Momberg

"Die reis wat voorgelê het, was een waarin ek sou ontdek of dit vir 'n mens moontlik is om te kry wat jy uit die lewe wil hê.

'Die storie is die verhaal van 'n gewone vrou in haar veertigerjare, iemand wat nog nooit voorheen groot ideale gehad het nie, maar nie meer tevrede was met haar bestaan nie. Iemand wat aan iets diep binne-in haar, iets wat sy self nog nie behoorlik kon omskryf of vasvat nie, wou uitdrukking gee. En hoe sy bereid was om te eksperimenteer op soek na 'n beter, meer harmonieuse manier van leef. Dit gaan oor haar beweging tussen lig en donkerte, hoop en wanhoop, vernietiging en skepping en hoe sy nie kon voortgaan om probleme en vrese te onderdruk nie, maar dit in die gesig moes kyk.'

Die skrywer se skreiend eerlike verhaal oor haar soeke na self en sin sal lesers ook inspireer tot selfondersoek en persoonlike groei.