Nasionale Kruger-Wildtuin: ’n Besoekersgids - Leo Braack

As een van die wêreld se grootste wildtuine, is die Nasionale Krugerwildtuin onoortreflik wat die rykheid van sy dierelewe betref. In hierdie boek bied ’n jong wetenskaplike wat die wildtuin intiem ken, u ’n kykie op die natuurlike skatkis van hierdie wonderwêreld. Aan die hand van die teks en foto's leer die besoeker aan die windtuin die soogdiere, voëls, reptiele, amfibieë, en kleiner natuurlewe ken wat waarskynlike teengekom sal word. Hul habitat, gewoontes, en spesifieke kenmerke wat nuttig is vir identifikasie, word ook uitgelig.

Ander hoofstukke beskryf die bome, blomme, grassoorte en selfs die topografiese kenmerke waaruit die wye verskeidenheid habitatte in die Nasionale Krugerwildtuin saamgestel is. Verder is daar wenke vir die wildkyker; gedetailleerde lyste van die kampe en die akkommodasie wat elkeen bied; raad oor hoe om die beste uit u besoek te haal; en - ’n unieke kenmerk - beskrywings en kaarte van die beste wildkykritte vir elke deel van die wildtuin. Met meer as 180 volkleurfoto's en ’n fauna- en floralys is dit ’n onmisbare veldgids.