Nagdissipels: Oor kwelvrae van die geloof - Ferdinand Deist (First edition)

Die denkende Christen vind dit vandag nie "maklik" om te glo nie. Daarvoor is daar te veel kwelvrae oor die geloof - en oor God.
Slaan die groot filosoof Bertrand Russell nie dalk die spyker op die kop waar hy sê dat die Christelike godsdiens ontaard het in 'n hunkering na die verlede, of die binding van die vrye intelligensie deur die woorde wat dom mense lank gelede uitgespreek het nie?

Dui geloof nie op 'n gebrek aan kennis en die lafhartige ontvlugting van die wêreld se probleme nie? Is gebed meer as net 'n illusie? Skuldbelydenis iets anders as masochisme? Het die kerk nie 'n logge liggaam geword wat in die pad staan van vooruitgang waarby alle mense baat kan vind nie?

Vir hierdie twyfelende dissipels van God, hulle wat Hom soos Nikodemus snags privaat konfronteer met hul onsekerheid, ontsluit Ferdinand Deist in NAGDISSIPELS nuwe moontlikhede vir geloof deur die ware wese van God te belig: die liefde wat alle verstand te bowe gaan.