Nag in Sodom - R. Hendriks (First edition)

R. Hendriks het deur die jare reeds bekendheid verwerf vir sy spannende  speurverhale - iets wat ons in ons moderne leesstof bra skaars geraak het.

’n "Lekker" speurverhaal was egter nog altyd ’n gesogte "lekkerny". Daarom sal hierdie verhaal van een van ons bobaas speurverhaal-skrywers wat jare der jare gelede as vervolgverhaal in die destydse Brandwag verskyn het, beslis opnuut byval vind. 

Dr. Jim-arts van die Goudstad - het dit gerade geag om sy "pasiënte" na sy spreekkamer te ontbied en hulle tot groter versigtigheid te maan. Die oningeligte buitestaander sou egter verbaas wees indien hy bewus was wie dr. Jim se pasiënte werklik is!

Daar is Barto Geel, private speurder, wat afgevaardig word om dr. Jim se waarskuwing oor te dra aan Koos Sauer. Koos Sauer se voorliefde vir vroumense en drank, word juis deur dr. Jim as ’n kombinasie beskou wat uiters gevaarlik vir sy "praktyk" beoefen, is Jan Pypers, koerantman, besig om deur sy koerant Die Goudstad te blaai, en val sy oog vir die hoeveelste keer daardie week op ’n berig oor die bende diamantsmokkelaars wat blykbaar steeds bedrywiger word. Maar die bende kan nie Jan Pypers se aandag heeltemal in beslag neem nie, want hy wag juis op sy verloofde, Marie Sauer wat hom by sy kantoor sal kom haal. 

En Marie is tog immers van meer belang vir hom op hierdie stadium as ’n bende diamantsmokkelaars. Maar waar sou Marie dan so lank versuim? Sy moes tog reeds opgedaag het, want hy het haar motortjie reeds minute gelede om die hoek van die straat sien ry!

Min het Jan Pypers geweet dat hy gouer as wat y verwag het, met die bende diamantsmokkelaars deurmekaar sou raak. 

NAG IN SODOM is propvol spanning!