Motte & magrietjies - Maretha Maartens

In Motte en Magrietjies is die bekroonde skryfster, Maretha Maartens, op haar beste. 

Met humor en erns gemeng - soos net sý kan - stel Maretha die moderne vrou voor ’n keuse:

Wil jy die vrolike, lig dansende, geel Magriet wees? Of die vaal Mot, die een wat reguit in die kersvlam invlieg en verskroei en verpoeier? 

Dan praat Maretha verder, en reguit... oor die sake wat elke vrou se hart raak: haar liggaam, haar man en huwelik, haar kinders, haar tyd, stres en gesondheid, en haar God. 

MOTTE EN MAGRIETJIES bevat ’n negetal sketse wat geen vrou onaangeraak sal laat nie, want in elke vrou skuil daar ’n mot en ’n magriet. Gelukkig is dit vir elkeen moontlik om die mot in jou af te skud en net ’n magrietjie te wees. 

Motte en Magrietjies is ’n kostelike geskenk vir ’n spesiale vrouepersoon.