Landskap met vroue en slang - Lettie Viljoen (First edition)

Lena Bergh is ‘n skilder wat hunker na die sublieme landskap. Sy verlang na ‘n ander landskap as die subtropiese voorstede waarin sy haar bevind.

In hierdie roman word sy in haar wisselende verhoudings met ’n aantal mense om haar uitgebeeld.

Op haar roete deur die welige parke en tuine van die stad word Lena vergesel deur haar vriende, die gedrewe skrywer Mara Darboven, en die eiesinnige digter Keet.

Die beswerende stemme van dokter Kafka en Martjie verbind haar daagliks met die droefheid van die volk daarbuite.

Die leser leer die obsessies ken van Lena se buurvrou, Molly Bloem, by wie Johnny Deventer loseer om uit te vars.

Dit is maar enkele van die figure wat Lettie Viljoen in Landskap met vroue en slang met haar kenmerkende kombinasie van deernis en humor uitbeeld.

Een van die belangrikste verhoudings in die roman is dié tussen Lena en haar man, Jack de Leeuw. Op ongewone en indringende wyse word hierdie intieme verhouding uitgebeeld.