Klein kring van die liefde - Ela Spence (First edition)

In Vrou uit die Vreemde het die gewilde Ela Spence die leser laat kennis maak met dokter Ronnie Nel en sy Franse vroutjie wat hulle op Donnacille, ’n klein Karoodorpie, kom vestig. Op Donnaville woon daar egter ook ander mense wie se lewens op besondere wyse ineengestrengel is met dié van die Nels - onder andere Carel Theron, die eensame wewenaar-dokter; die tandarts, Piet Rossouw, en sy jong vroutjie wat nooit kan moeder word nie; Mollie Heunis, vrou van die rykste boer in die distrik, maar onvergenoegde mens; en Wilma Davel, die jong dokter wat na Donnaville toe vlug om te ontsnap van die pynlike herinnerings van haar verloofde se skielike dood. Die skryfster se simpatieke pen toon deur hierdie karakters hoe nou verbonde elke mens aan sy medemens is, en dat die blywendste geluk slegs dié dinge is wat ingesluit word deur elke 'klein kring van die liefde'. 

'Klein Kring van die Liefde' is ’n onvergeetlike vertelling, ’n kleurvolle mosaïek van verhale-in-’n-verhaal, wat opnuut bewys lewer van Ela Spence se vaardigheid as skryfster van besondere liefdesverhale.