Kapers van die dood - Wolfgang Ott (First edition of the Afrikaans translation)

Dit is die verhaal van die seeman Teichmann van die haringboot Albatros. As die oorlog kom, word hy gedwing om vlootsoldaat te word. En as die stryd op sy hewigste is, is hy bemanningslid van ’n duikboot. So begin sy lewe "onder die water" - ’n lewe waarin vrees oorheersend is. Die verskriklike vrees van lê en wag vir die dieptebomme, die torpedojaers, om te hoor hoe die ontploffing steeds nader aan die dun staalromp beweeg en hulle in die ruim rondgooi.

Teichmann beleef verliese wat om persoonlik diep raak - makkers word voor sy oë weggeruk en hy moet sien hoe sterk mans soos kinders huil as die vrees vir ’n watergraf te groot word. Hy moet toekyk as hy en sy bevelvoerder dae lank magteloos in ’n reddingsvaartuigie ronddryf nadat hulle skip gekelder is, terwyl die offisier se oë deur verwoede seemeeue uitgepik word.

Tog bly die verhaal nie steek in die persoonlike wedervaringe van een seeman nie. Dit word algaande ook ’n beeld van die Duitse duikbootoorlogvoering in die Tweede Wêreldoorlog en die verskriklikheid daarvan. Dit is ’n felle aanklag teen die moderne romantisering van hierdie soort oorlogvoering. Mense se motiewe en (on)menslikheid word genadeloos oopgevlek - hoe diep hulle kan haat, hoe hulle ’n oorlog kan voer sonder om te haat, hoe verwoestend die mens die masjien ingespan het en ook hoe hy uiteindelik in homself kan rebelleer teen hierdie sinlose bloedvergieting en vernietiging van menselewens. 

Kapers van die Dood is ’n skitterende oorlogsroman wat reeds in sewentien tale vertaal is.