Feeks - Riana Scheepers

FEEKSE MET VLERKE, ENGELE MET ANGELS...

Dit was die vrou se bos hare wat my opgeval het.

"Heks," het ek gedink. Kyk, jy is vasgebind, jou haredos brand, die vlamme begin jou verteer, die skare staan in verwondering en afgryse en kyk.

In hierdie versameling verhale bewys RIANA SCHEEPERS weer eens dat sy haar leser met verwondering en soms afgryse aan die lees kan hou.

Sy is meester van die sensuele verhaal waarin die grense tussen die normale en die magiese vervaag. Wat hier helder opklink, is die stemme van uitsonderlike vroue, en spoedig word dit duidelik dat weinig sedert die Middeleeue verander het – die buitengewone vrou, die "heks" word vandag steeds verdeel omdat sy nie beantwoord aan konvensionele idees van vrouwees nie.

Feeks is 'n opwindende toevoeging tot 'n boeiende oeuvre.