Eilande en enklaves - André Pretorius (First edition)

In Afrikaans staan "eiland" teenoor "vasteland", asof die afwesigheid van vastigheid kenmerkend van eilande is, skryf André Pretorius in sy tweede bundel reissketse. Hier ondersoek hy die afgesonderdheid en andersheid van eilande, wat immers so verskil van wat hulle omring.

Eilande is natuurlik veel 'n aardrykskundige begrip: land omgeef en afgesny deur water, maar hier kom ook plekke ter sprake wat deur hul geskiedenis of geloof of tradisie afgeskei word van die omliggende wêreld – enklaves wat koppig hul andersheid bly bewaar.

Met sy vermoë om belesenheid met verwondering oor die vreemde te kombineer, gee Pretorius in hierdie bundel weer sy blik op wêrelddele wat vir baie van ons onbereikbare eilande sal bly.