Die staat teen Anna Bruwer - Anchien Troskie as Elbie Lötter

Die opvolg op Dis ek, Anna.

Met die verskyning van Dis ek, Anna destyds in 2004 het die jong meisie Anna diep in Suid-Afrikaners se harte gekruip. Nou, jare later, vind ons uiteindelik uit wat van Anna geword het…

Wat het met Anna gebeur die oomblik na sy die sneller getrek het? Ná sy haar stiefpa wat haar soveel jare lank fisies en emosioneel verinneweer het, vroeg een oggend in Bloemfontein in die oog gekyk, en toe geskiet het?

In dié roman neem Anchien Troskie weer haar pen op as Elbie Lötter, en skryf die opvolg. Hoe vra 'n mens vergifnis, en wanneer mag jy wraak neem? Dit is die vrae waarmee Anna en ook die skrywer – worstel.

’n Skreiend eerlike roman oor Anna Bruwer se lewe ná die moord op haar stiefpa – ’n boek gevul met deernis, en eindelik ook hoop.