Die lewe is ’n halwe roman - S.P. Benjamin (First edition)

Tien kortverhale waarin die rou werklikheid van ’n plakkerskamp, Happy Valley, verwoord word: ’n vrou wat geboorte skenk op straat soos ’n wegloperhond; ’n man wat met ’n dooie pyp tussen sy tande deur die reën aangestap kom; ’n seun wat smiddae in die begraafplaas rondspeel; ’n velhonger vrou wat haar vergryp aan die klam hitte van ’n hoender in haar skoot.

Uiteindelik is dít wat agter die eenvoud van sinkplaatskuilings lê: eensaamheid. Gebrokenheid. Daarom die soeke na gemeensaamheid; na troos, na die nabyheid van iemand, ’n lyf, ’n stem.

Die lewe is ’n halwe roman bied ’n deurleefde blik op die ervarings en drome wat in ’n ontredderde bruin gemeenskap broei.