Die jogger - André P. Brink (First edition)

Het die Afrikaner, soos die swartrenoster, ’n bedreigde spesie geword? Agesonder in ’n inrigting en geteister deur die spoke uit sy verlede, is dít die vraag waarvoor Kilian, gewese kolonel in die Veiligheidspolisie, te staan kom. Die stelsel wat hom moontlik gemaak het, het in duie gestort en die mense van wie hy sy opdragte (en eretoekennings) gekry het, maak asof die verlede nooit bestaan het nie. In ’n laaste verklaring aan ’n afwesige Minister moet Kilian van nuuts af antwoorde soek op die uiterste vrae in die mens se gemoed: Waar kom ek vandaan? Waarnatoe wil ek? Waaraan is ek lojaal? En kom ’n mens ooit los van verraad in al sy vorme - ouer teenoor kind, enkeling teenoor geskiedenis, maghebber teenoor slagoffer? Uiteindelik word hy gedryf deur die nood om sy storie te vertel aan iemand wat sal luister, iemand wat sal verstaan. Maar hierdie nood staan in reliëf teenoor dié van soveel ander wie se tonge deur die geskiedenis afgeneem is. Die jogger belig donktertes in die menslike gees wat eers begin waar die Waarheidskommissie ophou. 

In die jare sestig is André P. Brink deur Rob Antonissen uitgewys as die sterkste dramaturg van sy generasie. Sedert die jare sewentig het hy hom egter volledig op die roman toegespits. Nou, twintig jaar later, bevestig Die jogger ’n verrassende en merkwaardige terugkeer na die teater.