Die hol mense - Shanie Joubert (First edition; rare)

Rondom haar sien Ilse net hol mense, wie se bestaan leeg en nutteloos is en wat bloot van dag tot dag voortploeter. Te midde van hierdie warboel probeer sy vir haar ’n geordende bestaan skep, maar dit is nie maklik nie.

Wanneer sy agterkom dat haar man ’n verhouding met ’n vriendin van haar het, probeer sy selfmoord pleeg. Haar poging misluk, maar haar lewe kry weer sin wanneer sy verlief raak op die sielkundige wat haar behandel.

Ilse se soeke na ’n betekenisvolle bestaan vorm die kern van die roman. Verskeie ander karakters se verhoudings en hunkerings dien as inkleding en agtergrond vir Ilse se verhaal. Haar man, die egoïstiese Ray, hardloop agter al wat mooi meisie is aan. Cleo, wie se huwelik haar verveel, soek opwinding in ’n verhouding met Ray. Lomon, die sielkundige, vind Ilse interessanter as sy eie vrou.

Die wisselwerking tussen al hierdie karakters vorm ’n boeiende liefdesintrige. Die skryfster ontgin die tema van goed en kwaad, soos dit in die onderskeie liefdesverhoudings na vore kom, op ’n oorspronklike, verrassende manier.
Die hol mense bied ’n insig in die menslike psige, en niemand wat in mense belangstel, moet dit misloop nie.