Die gewers - M.E.R.

Toe die Hertzogprys in 1953 op grond van al haar prosawerk aan M.E.R. toegeken is, was Die Gewers (1950) een van die werke wat in die besonder ter regverdiging van die onderskeiding genoem is. Die vertellings in hierdie bundel is van die sterkste en suiwerste kortkuns in Afrikaans.

Die agt vertellings oor mense wat elk aan die skryfster „iets kosbaars en onmisbaars" gegee het, word tot eenheid gebind deur die vertolkende teenwoordigheid van die skryfster self, Tanna, intieme vriendin van die Meurant-gesin, wie se lotgevalle die deurlopende draad in die vertellings is. Die Meurant-gesin en die ander mense van wie daar vertel word, het één eienskap gemeen gehad: „hoe verskillend ook van aard en omstandighede, almal was gewers. Nie van goed nie, want dit het hulle nie oorvloedig gehad nie; van moed; van hartversterkende geloof; en sommer van goedheid."

Dié gewers oor wie M.E.R. skryf, is Sara Meurant, die sterk hooffiguur in die aangrypende verhaal Die Hol Krans; Johannes Meurant, Sara se seun, wie se lewe op wonderbaarlike wyse gespaar is ná 'n droom wat hy gehad het; outa Jakob, wat die geheim verstaan het om in sy tuin wit „violets" te kweek; ou Nene Abrahams...