Die chacma-ekspedisie: Heling pleks van verdeling - Marius Ackermann (First edition)

In die dorpie Kwenang (voorheen De la Rey) is korrupsie, wanbestuur en anargie aan die orde van die dag en is die vraag op die vooraand van die burgemeestersverkiesing of daar hoegenaamd ’n Moses is wat die dorp uit hul politieke verknorsing kan lei. Aan die ander kant van die rivier, teen Schurweberg se klipkoppies, sit gerespekteerde leierbobbejaan Grootraad Makedaan en tob oor die onregverdigheid van die "groot split": die dag toe die regoplopers hulle rug op die handeviervoeters gedraai het. Is dit dan nie Bo'jaan se roeping om aan die Kwenang se komende burgemeestersverkiesing deel te neem, en só ’n bedeling van heling pleks van verdeling in te lui nie?

Terwyl ’n bobbejaan in die noorde tot burgemeester verkies word, is ’n gesiene emeritusprofessor en primaatnavorser, ’n bekende Britse fotograaf en ’n lenige Boereblondine na die Magaliesberg onderweg as deel van die Chacma-ekspedisie: ’n Brits-befondste ondersoek na pratende lede van die spesie Papio ursinus. Toeval? Of die hand van die noodlot?